Durante e dianan 27, 28, 29, 30 di september y 1 di october 2021, OPPA ta tene un “open house”. Directiva ta invita tur su miembronan pa bishita nan
edificio nobo ‘e Cas di OPPA’ situa na Primavera 6N durante e siman aki di 9:00 am – 12:00 pm.
Dia 1 di october, en conexion cu celebracion di “Dia di Adulto Mayo”, OPPA ta organisa 3 dia di exposicion di obranan di man di nos miembronan na nos/boso “Cas di OPPA”.
Si bo persona ta interesa pa expone bo obra(nan) di man, bo por laganos sa esaki via telefoon 280-0511 te cu dia 29 di September. Laga e otro miembronan wak bo obra(nan) di man. E exposicion lo dura 3 dia. Esta e dianan 1, 2 y 3 di october 2021.
Dia 1 di october di 9 am pa 1 pm y dia 2 y 3 di october di 9 am pa 12 pm. Miembronan ta bonbini pa pasa wak e obranan di nos miembro durante e 3 dianan aki. Nos ta conta cu bo presencia.
Lo haya, durante e bishita, tambe algo di pasa boca y un recuerdo pa esnan cu no a haya esaki ainda. Mas den siman boso lo tende di e “open dagen” cu nos lo tin.
Saludos y cuida curpa!
EN CONEXION CU E SITUACION DI COVID Y TAMBE E EXIGENCIANAN DI CRISIS TEAM, NOS LO TIN TAPA BOCA Y HAND SANITIZER DISPONIBEL!
Cas di OPPA
Apreciabel miembro,
Directiva di e Organisacion di Pensionado Publico Arubano, OPPA, tin e placer di participa na bo persona cu e apertura oficial di nos edificio nobo, e ‘Cas di OPPA’ situa na Primavera 6 N, lo tuma luga diahuebs awo, 26 augustus 2021 di 4:00 pm – 6:00 pm.
En conexion cu e actividad aki, directiva a invita un grupo chikito di e hendenan directamente involvi cu e construccion di nos edificio y ta lamenta di no por invita tur su miembronan debi na e situacion actual di covid y e medidanan mas pisa di Crisis Team y DVG.
Directiva lo invita tur su miembronan den un proximo ocasion asina cu e situacion normalisa y e peligro di contagio minimalisa.
Nos ta conta cu boso comprension pa e decision di directiva.
DIRECTIVA TA TENE E GRUPO CHIKITO EN CONEXION CU E SITUACION DI COVID Y TAMBE E EXIGENCIANAN DI CRISIS TEAM. CORDA UZA TAPA BOCA Y HAND SANITIZER!